10 - Ana dili nədir?
Uşaq eşidər ilk ana dilində
Sonra öyrənər o duyuş elində
Başlar danışar öz dili telində
Dilimiz yaranıb gözəl səslərdən
Zamanla gəlişib özəl hislərdən
Dil uşağın ana lay lay səsidir
Ananın bətnində duyuş hissidir
Hislərdən yaranan düşüncəsidir
Kimsədən düşüncəni almaq olmaz
Başqa bir düşüncəyə salmaq olmaz
Uşaq öz içində fikir yetirər
Yetirən fikirini səsə gətirər
Səslər formalaşıb dili bitirər
Yaranan dil düşünülmüş fikirdir
Düşüncəylə fikrin duyuş şəklidir
Qələmsiz səs hayvanlardan bəklənər
Çünkü yalnız ormanlarda səslənər
Yaşam formu bir toplumda əklənər
İnsanlar toplanıb birlik qurubdur
"Birlik dirlikdir" məsəl olubdur
Hər insanın doğma ana dili var
Öz dilində danışmağa meyli var
Yazıb yaratmağa özəl eli var
Dili yasaqlamaq heç mümkün deyil
Dilə yasaq qoyan şəxs insan deyil
Bu dünyada yaşayan hər ölkədə
Qurulmuş dilləri özəl ölçüdə
Danışır ev-eşiyində məktəbdə
Hər kəsin xoşdur öz dili özünə
Bəslədiyi ana dili sözünə
Dil insanın karakterin dəyişər
Yazı ilə danışıqda gəlişər
Dil gəlişsə toplumda gəlişər
Yazılmayan dil indiki zamanda
Itib gedər bir ya iki quşaqda
Ana dili insanın kimliyidir,
Kimlik hər insanım öz mənliyidır
Mənlik hər ulusun özəlliyidir
Ana dilini bir xalqdan alırsan
Toplumda onların kökün qazırsan
Ana dili xalqa böyük sərvətdir
Höveyyətin tanıtdıran izzətdir
Babalardan ona qalmış şovkətdir
Dilin qorunması milli şərəfdir
Xalqına Vətənə milli görəvdir.
19.02.2014 Eldar Güneyli