پرینت

آنا یاپراک

 

منیم قلمیم آنا دیلیمده یازماق ایسته ییر،
            
  اؤز گه دیلینده یوْخ ...             

چۉنکی قلمیم آنا دیلینده گۆجلۆ سیلاحدؽر...

گر بیر خالقؽ آیؽرماق ایسته سن اوز وطنیندن،
یئتر او خالقؽن دیلینی[۱] کسه سن مکتب یندن،
بۉ دۆشۆنجه یۆرۆتۆلۆر "ایران" فارس دولتیندن.[۲]
     قلم آلسان الیندن، آیرؽلار خالق منلیگیندن،
     اوممتچی[۳]تربییه ائت، چؽخار او خالق کیملیگیندن.

                 (کیتابؽن ۴۵ - جی صحیفه سی ۴- جۉ بند)
                       ("وطن هاواسی" ائلدار گونئیلی)

 

دیلمیزی قوْرۉماق اؤۆمۆزۆ، سوْیۉمۉزۉ، وطنیمیزی، هووئییت و کیملییمیزی قوْرۉماقدؽر .بۉگون دیلیمیزی، وطنیمیزی منیمسمسک آیاق آلتؽندا ازیلیب گئچمیشیمیز(تاریخیمیز،  سوْیۉمۉز) و گلجییمیز یوْخا چؽخاجاق. اوْنلار کی اۉشاقلاریلا فارسجا دانؽشؽب، یازؽشؽرلار اوْنلار سوْیلارؽنا وطن لرینه، هووئییت و کیملیکلرینه سوْن قوْیۉرلار. اوْنلار نه فارس ایچینده فارس سایؽلؽب و سایؽلاجاقلار و نه اۆز خالقؽ ایچینده تۆرک سایؽلؽب و سایؽلاجاقلار. اوْنلار داها اؤزلرینه بیگانه لشیب و مانقۉرتلاشیلار.

اؤزۆنه ده یه ر وئر یئرینده سایؽل،
فارسا کۆله اوْلما گؤزۆن آچ آیؽل،
اۉشاغان وئر میللی
شعور قال هایؽل.
     گئچمیشینه اۆز سوْیۉنا دۆشۆنسۆن،
     وارلؽغؽنا تورک خالقؽنا قوْوۉشسۉن.

چۆنکۆ اینسان
اؤز وارلؽغؽنؽ تانؽسا، اۆزۆنه اینانسا، اۆزۆنه ده یر وئرسه،
باشؽنؽ اۉجا تۉتار آلچاقلارؽن تحقیرینه معرۉض قالماز.

"اگر یک ملت را از تاریخش، از گذشته اش، از فرهنگش، از شخصیتش، از مفاخر علمی و دینی و سیاسی و فرهنگی اش جدا کردند و از یادش بردند- زبانش را از او گرفتند، الفبایش را از او گرفتند، سابقه فرهنگی اش را از او گرفتند- این ملت آماده خواهد شد که هر چه می خواهند بر سرش بیاورند. این ملت دیگر جان پیدا نمی کند؛ مگر اینکه شخصیت های بر جسته ای در آن ظهور کنند. این بلا را بر سر بسیاری از کشورها آورده اند."

منتشر شده در:
"رۉزنامه همشهری ۲۲/۷/۱۳۹۱ صفحه ۱۳، بخشی از سخنرانی رهبر ج. ا. ایران در استان مرکزی آبان ماه ۱۳۷۹" 

"اگر بیر میللتین اؤز تاریخینی، گئچمیشینی، مدنییه تینی، کیملیینی و اؤز گؤرکملی علمی، دینی، سیاسي و مدنی شخصییه تلرینده ن آیؽرؽب و اۉنۉتدۉرسالار، عئینی زاماندا اوْنون دیلینی، الیفباسؽنی و کیتابؽنی اوْندان و یاخوْد زامانلا یارانمؽش کۆلتۆرۆنۆ آلدؽقدا، بۉ میللت باشؽنا گتیریله جک هر نه یه حاضؽر اوْلاجاق. بۉ میللت داها جانلانؽب یاشایا بیلمه سی ایمکانسؽزدؽر، یالنؽز اؤز ایچینده ن گؤرکملی شخصییت لرین چؽخماسی شرطی ایله. بۉ فاجیعه نی بیر چوْخ اؤلکه لرین باشؽنا گتیرمیشلر."

چوخ ماراقلؽدؽر ؛ ایران ایسلام رژیمینین دینی و سیاسی اؤنده ری، آیت الله علی خامنه ای عؽرقچؽ فارس حاکیمیتی نین تریبونو اولاراق،بۉ دانؽلماز گئرچکلری دیله گتیره رک فارس میللتینی چوْخ جیددی شکیلده بئله بیر تهلۆکه لی دۉرۉملارا قارشؽ حاضیر اوْلمالاری اۆچون دؤنه- دؤنه اۉیارماسؽنا رغمن، سؤزده ایسلام رژیمینین باشؽندا دۉران شخص آیدؽنجاسؽنا آچؽقلادؽغی بئله بیر فاجیعه نی، فارس میللتینه روا گؤرمه دیگی حالدا، بو فاجیعه نی خامنه ای و فارسلارین اؤزلری بیله رکدن ایرانداکی فارس اوْلمایان میللتلره اۉیقۉلاماسؽدؽر. هامؽیا بیلیندییی کیمی فارس فاشیست حاکیمیتی ایراندا، فارس اوْلمایان میللتلرین اۆزه رینده اوْنلارین بۆتۆن میللی _ مدنی و دیل کیملیک و وارلؽقلارؽنؽ یوْخ ائتمک سیاستینی یۆرۆتمکده دیر.

علی خامنه یینین یۉخاریداکی دانؽشیغؽنؽ مئدیالاردا اوْخۉدۉقدان سوْنرا، اوْنۉن بۉ فرقلی باخؽشؽنؽ یعنی ایران حاکمیتینین فارسلاری قوْرۉماق لاکین بۉنۉن ترسینه اوْلاراق فارس اوْلمایان میللتلرین اؤزه رینده یوْخ ائتمک ظۆلمۆنۆ و آسیمیله ائدیجی کیمی عؽرقؽچؽ سیاستینی یۆرۆتمک دۆشۆنجه و ایشلری،  هر بیر گۆنئی آزربایجانلی تۆرک اینسانیندا اۆره ک آغرؽسؽ تاپؽلماسؽ و آغؽر بیر توْپلۉمسال خسته- لییی بیرده مدنی دیل یاراسؽنؽن اۉلۉشماسؽ ایله سوْنۉجلانماسؽنا اینانیرام. اوْنا گۆره ده دۆشۆنۆرم آیت الله علی خامنه ئیی جنابلارؽنئن بو دۆشۆنجه سی و ائله جده بۆتؤولۆکده یئنی اله گلمیش و قؽسا عۆمۆرلۆ قوْنداراما ایران فارس دؤولتچیلیینین کئچمیش پهلوی و ایندیکی فارس مۉللا رژیملرینین یۆرۆتدۆکلری بئله نچی بیر نظری و عملی سیاستلری قارشؽسؽندا، هر بیر آذربایجان تۆرکۆنۆن میللی ویجدان و یۉرد سئورلیک بوْرجۉ اوْلاراق، همی گۆنئی آزربایجان تورک میللتینین، عن طبیعی اینسانی و میللی- مدنی حاقلارؽنؽ اینسانلارؽمؽزؽن تک تکینه تانؽتمالی همیده تۆرکلۆک- آزربایجانچؽلؽق شعۉرۉنۉن دیرچلمه سینده قاطقؽدا بۉلۉنۉب تورکلره اؤز میللی- اینسانی اؤزگۆلۆک و باغؽمسؽزلؽقلارؽنؽ قازانمالارؽ اۆچۆن قلمی الینه آلاراق اۆز بئیین دۆشۆنجه و اۆره ک دۉیغۉلارؽندان یارارلانماقلا ایران دؤولتینین بۉ چیرکین فارسلاشدیرماق سیاستینی آیدؽنلاشدؽرمالی و فارس دؤولتچیلیی ایله مۉللالارین ال بیر اوْلوب بیرگه یۆرۆتدۆکلری تۆرکلۆک و آزربایجانلچؽلؽغی آرادان آپارماق کیمی  پیس اۆزلۆ و چیرکین ضید اینسانی هدفلرینه چاتماق یوْلۉندا یۆرۆتدۆیۆ دۆشۆنجه سئل و عملی ایشلرینین قارشسؽنؽ آلماقدا تۆم وار گۆجۆ ایله چالؽشماق زوْرۉندادؽر. منده بیر گۆنئی آزربایجان تۆرکۆ اوْلاراق قلمی الیمه آلیب میللی مسئله لر حاققؽندا یازدئعؽم "وطن هاواسئ" آدلؽ کیتابؽمؽ، اۆز گؤزه ل آذربایجان یۉردۉ و سایقؽ ده یر تۆرک میللتیمه سۉنۉرام.‌ آنجاق منیم بیر رۉمانتیک شاعیر و ادبیاتچی اوْلمادؽغؽمی دا بۉرادا قئید ائتمک ایستییرم. یۉردۉمدان اۉزاقدا و غریب بیر اؤلکه ده ماهاجیر دۉرۉمدا یاشادؽغؽم سۆره جینده؛ اؤز وطن اؤزلمیمی، وطنیم آزربایجانؽن ایکییه بؤلۆنمه سینی، اۆزه للیکله ده آنا یۉردۉم گۆنئی آزربایجاندا آنا دیلیمیز تۆرکجه نین مکتبلرده ائگتیم(تحصیل) و یازؽلؽب اوْخۉماسؽنا ایران فارس دؤولتی طرفیندن قاداغا قوْیۉلماسی و باشقا طرفدن ده کئچن دوْخسان نئچه ایل عرفسینده گۆنئی آزربایجان تۆرک یۉردۉنۉن فارس فاشیست حاکمیتینین یۆرۆتدۆیۆ سیاست لر سوْنۉجۉندا پارام پارچا اوْلۉنماسی منده بیر اۆره ک نیسگیلی اوْلاراق، خالق و وطنیمده بو گئرچک گئدیشاتی،  شعیر قالیبینده یازدیغیم کیتاب «رۉمانتیک ادبیات باخؽمؽندان اۉزاق گؤرۆنسه ده» من بو نظم یازؽلارؽنؽن هر بیر میصراع، بئیت و بندینده؛ اؤز دۆشۆنجه لریمی میللی تۆرکلۆک و آزربایجانچؽلؽق رۉحۉنۉ و وطن سئورلیک مفکۉره سینی؛ فلسفی، سیاسی، ایقتیصادی و حۉقۉقی آچؽلاردان بو کیتابدا یازدؽغؽم قۏنولارېن، ایران عیرقچی فارس دؤولتی و اونون گیزلی تهلوکه‌سیزلیک ایداره لر طرفیندن قرار وئریلمیش تورک خالقینین دیلینی، تورپاقلارینین آدلارینی دئیشدیرمکله، اینسانلارمیزی اوز آدلاریندان محروم ائدیلمه‌سی ، مکتب، بیلیوردلار درسلیکلردن رادیو تئلئویزییا و دیگر مئدیالاردان سیلینیب و یوخ ائدیلمه سیاستلری ، هابئله آذربایجان و ایرانین باشاباشینداکی یئرلی (بومی) تۆرک ائل‌لری‌نین یئرآلتی و یئراۆستو قایناقلاری‌نین فارسلار طرفیندن فارسیستان رایونلاری‌نا (اوستانلاری‌نا) داشینماسی‌  ، همده تۆرک یـۇردلاری‌نین یاشام‌چئوره‌سی اؤزللیکله (خصوصی ایله) اۇرمو گؤلو کیمی بیر اؤنملی دۏغا (طبیعت) وارلیغینی و اثرینی قورودولماسی، پـۏزقون و داغیلمیش دۇروما گتیریلمه‌لری‌نین سندلرینی کیتابدا توپلاییب خالقیمیزی بۆتۆن میللی- مدنی حاقلارؽندان محروم ائدیلره ک آغؽر باسقؽ و آسیمیله ائتمک سیاستلرینه معرۉض قالان خصوصی ایله گنج نسلمیزه گئچمیش تاریخینی دیل، ادبیات و عادت عنعنه لرینی اونوتماقلا گۆنئی آزربایجانلی تۆرک سوْیداشلارؽما یارارلی اوْلماسؽنا و اوْنلاردا میللی رۉح اوْیانؽشؽن سبب اوْلاجاغؽنا اینانیرام.

            ۱۷ فروردین( آغلار گولر ) ۱۳۹۵  ائلدار گونئیلی


[۱]بیر خالقؽن دیلینی الیندن آلدؽقدا، اوْ خالقؽن بۆتۆن آیت الله علی خامنه ای دئدییی وارلؽقلار الیندن آلؽنار
[۲] آیت الله علی خامنه ای(کیشی تۆپۆردۆیۆنۆ یالاماز. (بۉ آتالار سؤزۆدۆر) ۲۸ ایلدیر مملکتین رهبرییتینده اوْلاراق ایجازه وئرمه ییر حتتا اۆز یازدؽقلاری آنا یاسا (قانون اساسی) ایجرا اوْلۉنسۉن. آیت الله علی خامنه ای نین دانؽشؽغی و نیطقی ایله عملینی اوْخۉجۉ اوْلاراق دئیر وئرین.
[۳] مۆقللید[ایراده سیز، اۆزۆنه گۆوه نی(اعتیمادی)اوْلمایان، تسلیم اوْلان اینسان]