۱ - آذربايجان، قورتاراجاغيز سنی.
آذربايجان، قورتاراجاغيز سنی.
آند اوُلسون دوُغرانميش اولو بابکه،
قاديًن یوُلوندا گوُمولموش مزدکه،
هم يوردسئور، هم ده دئموُکرات تورکه،
آذربايجان، قورتاراجاغيز سنی.
آند اوُلسون سهو ائتمه ين ستتارخانا،
فارسی دوست سانماز کی، گئده تهرانا،
کيم خيانت ائتدی آذربايجانا؟
آذربايجان، قورتاراجاغيز سنی.
آند اولسون باشچیميز مممدامينه،
ائلچی بی ين ائتديگی بو يمينه،
"يا اوُلوم يا ايستيقلال تورک ائلینه"،
آذربايجان، قورتاراجاغيز سنی.
آند اوُلسون پيشه وری نين يوُلونا،
يوردسئور تورکون ساغينا، سوُلونا،
يوردسئور دوُغوب- بوُيودن کوُلونا،
آذربايجان، قورتاراجاغيز سنی.
آند اوُلسون آذرين ييرمی بيرينه،
قورتارديغی يوردو ايله يئرينه،
آروادينی سربست ائدن ارینه،
آذربايجان، قورتاراجاغيز سنی.
آند اوُلسون وئرديگيميز شهيدلره،
گرچکلشديرديگيميز تنقيدلره،
صآديق قالاجاغيميز تعهودلره،
آذربايجان، قورتاراجاغيز سنی.
آند اوُلسون قورتولوشومون چاغيما،
ايشقال اولموش آغلار قاراباغيما،
خوُجاليدا گوُرن اوره ک داغيما،
آذربايجان، قورتاراجاغيز سنی.
آند اوُلسون تورک سئور ائدن دينيمه،
ائرمنیيه بسله ديگيم کينيمه،
اينتيقاميمی آلاجاق تينيمه،
آذربايجان، قورتاراجاغيز سنی.
آند اوُلسون ائل-اوُباسين سئونلره،
سئوگیلريندن دوُغان گووه نلره،
کی قنيم کسيليبلر شووئنلره،
آذربايجان، قورتاراجاغيز سنی.
آند اوُلسون خالقيميزين فريادينا،
درده دوشموش ميللی ... ايقتيصادينا،
دآديًنا چاتان ايگيت اوُولادينا،
آذربايجان، قورتاراجاغيز سنی.
آند اوُلسون آذربايجانلی قادينا،
کی دئموکرات فيرقه چاتدی دآدينا،
گئتدی اوُلکه ساتانلاريًن بادينا،
(گئتدی موختارييتچی نين بادينا)
آذربايجان، قورتاراجاغيز سنی.
آند اوُلسون قوتسال کيمليگيم تورکلوگه،
کيمليگيمی قوُرويان بوُيوکلوگه،
ايستيقلال اوچون ساواشان بابکه،
آذربايجان، قورتاراجاغيز سنی.
آند اوُلسون "گولوستان" پوئماسينا،
بختييارين قان-ياش آغلاماسينا،
واحيد آذربايجان چاغلاماسينا،
آذربايجان، قورتاراجاغيز سنی.
آند اولسون اوُتایداکی ايستيقلالا،
واحيد آذربايجانا واحيد آلا،
بالتالايانلاری سن ده بالتالا ، (هانسی آراز؟ بالتاجی آراز.)
آذربايجان، قورتاراجاغيز سنی.
آند اوُلسون آرازين شيرين جانينا،
داماريًندا آخان ميللی قانينا،
باشی کسيليب- قوُيولسا يانينا،
آذربايجان، قورتاراجاغيز سنی.
08.03.2005 بالتاجی آراز
قایناق:otay-butay-vetendir.com/ir/otay-butay/176-147.html