۲۱ - نه یامان اوزاندی ایللر، آی ائللر
نه یامان اوزاندی ایللر، آی ائللر
۱
آرازيًن دالغاسيً کوکره دی لای-لای
بوُلدولر بیر ائلی اوُرتادا پای-پای
بولودلار سيًخلاشيًب، آغلاديً های-های
نه یامان اوزاندی ایللر، آی ائللر
ظولمیله باغلانيًر دیللر، آی ائللر.
۲
تبریزده بیر گوُزه ل خاليً توخویور
باکيًدا بیر ارمیش موغام اوخویور
آرتيًق بو حسرتی بوتون ائل دویور
نه یامان اوزاندی ایللر، آی ائللر
بیر- بیره آرخاديً ائللر، آی ائللر.
۳
موغانيًن دوزونده جئیرانلار یاتار
اورمونون گوُیونده دورنالار قاطار
شوشانيًن داغلاريًنا دومان باتار
نه یامان اوزاندی ایللر، آی ائللر
آپارديً سارانيً سئللر، آی ائللر.
۴
تانريًدان سن، نه لر دیللرسن دیلله
فقط بو وطنی بیر بوتون ائیله
بوتوُولوک و بیرلیک شوُوقوسون سوُیله
قاراباغ هایقيًريًر ائللر، آی ائللر
تبریزی چاغيًريًر ائللر، آی ائللر.
۵
اولو تورک دییاريًم بوُرچاليًم منیم
دربند قریب دوشن ماحاليًم منیم
کرکوک ایچه ریمده روح حاليًم منیم
پارام پارچا اوُلموش یوردوما یازيًق
ساواشدان چکیلمیش اوُردوما یازيًق.
۶
یوردا سئل-سئل دوشمان آخيًر ساوالان
هایقيًر بو میللتی چاغيًر ساوالان
باغيًر، باغيًر، باغيًر، باغيًر ساوالان
باغيًرمادا عوسیان وار عوسیان، آی ائللر
ساواشا چاغيًريًر زامان، آی ائللر.
۷
یاشاسيًن بو یوُلا باش قوُیان ارلر
ایگید تورک بایانلار، ساواشچيً ارلر
یئدیده ن یئتمیشه هر کس بیر عسگر
قاراباغ دئیه ره ک گیرسین ساواشا
ساواشسيًز بو ایسته ک واريًلماز باشا.
۸
آند اوُلسون میلله تین آخان قانيًنا
آند اوُلسون ائچی بئیین ایدئآلینا
آند اوُلسون شهیدلر خیابانيًنا
بو قان یئرده قالماز ائللر، آی ائللر
بوتوُولوک چاغيًريًر دیللر، آی ائللر.
سید جلیل حوسئینی-موغان