۳۲ - سیزه من نئیله میشم‼️؟؟
جهل و خرافات علیئهینه موباریزه ائدن گونئی آزربایجان شاعیری معجز شبستری
سیزه من نئیله میشم‼️؟؟
باشيًما زولف قویوب ساققاليً قيًخديًر ماميًشام
خالقدان رشوت آليًب کیسه می دولدور ماميًشام
جددیزین وقف سویون مولکومه آچدیر ماميًشام
ای شبیسترلی داداشلار سیزه من نئیله میشم؟
بیر قيًران پول آپاريًر دولت ایران دریدن
ظلم ائدیر فرقۀ قصابه اوتانميًر تانریدن
مهر ذبحیه آلیًر باج اؤلودن هم دیریدن
من بئله ظولم و سیتم خالقا روا گؤرمه میشم
ای شبیسترلی داداشلار سیزه من نئیله میشم؟
گؤروسوز من نه آژانام، نه قازاق ای کیشیلر
گؤرمه ییب قوندارا هرگز بو دابان ای کیشیلر
سالميًشام لیفۀ شلواریمه باغ ای کیشیلر
پانتولون گئیمه میشم بوغلاريًمی بورماميًشام
ای شبیسترلی داداشلار سیزه من نئیله میشم؟
کوفرومه حکم ائله دیز هانسيً گوناهیله منیم
جورمومو ثابت ائدیب مجلسه دیندیرمه میشم
نه طلاق ایله ایشیم وار نه نیکاحیله منیم
قيًزيًزی حاضیر ائدیب مجلسه دیندیرمه میشم
ای شبیسترلی داداشلار سیزه من نئیله میشم؟
من فلانکس دئییلم، صیغه مه ایراد ائده سن
گئت کبین کسمه دئیه اوستومه فریاد ائده سن
یيًخاسان خالقيًن ائوین ئوز ائوین آباد ائده سن
من هله هئچ کسین قلبینی سيًنديًرماميًشام
ای شبیسترلی داداشلار سیزه من نئیله میشم؟
ای عمی چک قيًليًجيًن ائیله موربایا هجوم
شیر برنجه، خامایا، هم قارا دولمایا هجوم
بیجهت ائیلمه چوخ "مؤجۆز" شیدایا هجوم
من مگر ایلده بش اون یول سیزی گولدورمه میشم
ای شبیسترلی داداشلار سیزه من نئیله میشم؟
مؤجۆز شبیستری
قایناق: دیوان، بیرینجی جلد ۴۴۰-جيً سحوه