۲ - ميللی آکتيويستلريميزه (فعاللاريميزا) موراجيعت!
عزيز و حورمتلی سويداشلاريم، بيلديگينيز کيمی يازيب سوندوغوم اثرلرين يازيجيسی من اولسام دا، او اثرلرین گرچک صاحيبلری بوگونکو و گله جکده کی تورانچی و بوتوو آذربايجانچی تورک سويلو سويداشلاريميزديرلار.البته کی، ايرتيجاع ايله ميللی سومورونون کوکو قازيلديقدان سونرا سوندوغوم اثرلر ديرلرينی ايتيريب و تاريخين موزه سينه گونده ريله جکلر. لاکين تاريخين موزه سينه گونده ريلمه دن اونجه يه دک گوندمده قالمالی ديًرلار.چونکو دوز سوز هر زامان اوچون دوزدور آرازين سوزلری اسکيمز(کوهنلمز) سوزدور.
يازيجی اولاراق ميللی فعاللاريميزدان واردير کی، دئديگينه گوره آذربايجانين ميللی مسئله سی حاققيندا بش يوزدن فازلا يازی يازيبدير، لاکين يازديغی يازيلاری ايله او يازيلارا بنزر ياخشی يازيلار دا ژورناليستی يازيلاراولدوقلاری اوچون فوتوگراف-چیلارين محصوللاری تکين ظالمه قارشی مظلومو دويغولانديريب و ميللی روحلارينی اوياديب و ميللی منفعتلرين دوغرولتوسوندا دوشونه بيلمه لرينه يول آچيب و يارارلی اولدوقلاری قدر سايغی وحورمت قازانا بيليبلر. ولاکين ژورناليستی يازيلار اولدوقلاری اوچون، يعنی سيياستی ايقتيصاد ايله يوخ، بلکه سيياست ايله ايضاح ائتديکلری اوچون، او جومله دن نييه ايستيقلال؟ نييه فئدئراليزم؟ قاراباغی کيم قورتاراجاق؟ کيمی ميللی پروبلئملريميزين حاققيندا هئچ بير شئی و هئچ بير شئی اويرتمه ييبلر. يعنی اويرنمه ييب و اويرتمه ييبلر کی، او جومله دن ... باجی يا قارداشی نين ياريسی قدر پای يئتيشمک اوچون، تارلا ساييلميش موساواتچی آنانين محصولو آتانين اولماق اوچون، قاضيليق حاققيندان يوخسون قيلينميش قادين اوز يازقيسينی اوزو يازماماق اوچون، يعنی کوله ليگين دونونو دييشديرن فئوداليزمين ايدئولوژوسونو سونماق اوچون (ايسلام دينینی محترم سايان آنتی قادين ائرککلرين اوره ک سوزلرينی ايچه ره ن) قورآن يازيليبدير. يعنی دئمه ييبلر کی، قورآن يازيليب کی، قورآنين آيری سئچکيليگينه معروض قالان کوله لرله قادينلار و جهلين دوشمنلری اولان آيدينلار ازيلسينلر.
کيم ائدر آروادينی آسيلی مال؟
(کيم ائدر اسيری نی آسيلی مال؟)،
کيم ائدر هر ائوينی بير فئدئرال؟
(کيم ائدر سومورگه سينی فئدئرال؟)،
يوخسا قارت اولا بيلمز بيت المال
(ميللی معدنلريميز، وئرگيلريميز، فآييزلريميز و ...).
سيياستی ايقتيصاد ايله ايضاح ائتمکدن قورخان سويداشلار ايسترلر کی،
1- ديش دوشمنلريميزين اولچولری و مئتودلاری ايله ميللی پروبلئملريميزين چوزومونه دوشونک.
2- ميللی حاقلاريميزی ساتماقلا بيرليکده ميلل اينکيشافيميزين دوشمنلری اولان
فئودال ياپيلی ايچ دوشمنلريميزين اولچولری و مئتودلاری ايله ايچ پروبلئم لريميزين چوزومونه دوشونک . ائله اونا گوره
1- دئمزلر کی، باغيمسيزليق قورتارار بيت المالی.
2- دئمزلرکی، قورآن دوغمازدی قادين اولماسايدی.
3- دئمزلر کی،
قورآن ايستر کی، کوله، کوله قالا
ايستمز وئريلمزحاققينی آلا
ايستمز ايستيقلال حاققينی آلا
ايستمز بيرئيسل حاققينی آلا.
3- دئيرلر کی، قيزل بوشقابدا فئدئراليزم سونموش سومورگه چی روس ميللتی تکين ميللی کوله لرينه فئدئراليزم سوناجاق سومورگه چی فارس ميللتی نين دون دييشديره جک اولچولری ايله مئتودلاری لازيمدير بيزه (موفته قانينيز وار ايسه بويورون!).
اوزگه لرين کولگه سينه دونوشمک اوچون، اوزگه لردن آسيًلی ائدن مونتاژچيليق ايله کمپرادوريزم لازيمدير بيزه.
آراز اولماسايدی حاققين ياناردی
هر سيياسی اوزونو خان ساناردی
وئريلمه ين حاقلارينی داناردی.
نئجه کی کاپيتاليزمی الشديرميش مارکس سوسياليستی دئوريمه گره کن کمونيستی ايدئولوژونو سونوبدور، من ده ميللی دئموکراتيک دئوريميميزين گرچکلشمه سی اوچون تام آنلاميندا ميللی- دئموکراتيک ايدئولوژو سونموشام:
هانسی چيچکلی باغی گزمه ميشم؟
هانسی شانيًن بالينی سوزمه ميشم؟
نه يين حاققيًندا يازی يازماميشام؟
من سيزه ايدئولوژو سونموشام
سيزدن تنقيد ايله يارديم اومموشام.
منی الشديرمک ايسته ين چوخدور
تئز ده وارديًر کی، آنتی- تئزی يوخدور
ائله اونا گوره اودوب- آتا بيلمه ينلر ده بوغولماغا (سوسماغا) محکومدورلار. سيز عزيزلريميزدن ريجا ائديرم کی، سيزين اوچون يازيب – سوندوغوم اثرلريمه صاحيب چيخاسينيز. صاحيب چيخمانيز اوچون اويانيش مرحله سی بويونجا سوندوغوم اثرلريمين هاميسی نين ساتيلاجاق کيتابلار شکلينده وسيته لريميزده ياييًلا بيلمه لری اوچون گرکن ايمکانلاری ساغلاماقلا بيرکيکده و يارارلی اولماقلا بيرليکده ايتيب- باتماسينلار. چونکو يازيلارين ايچه ريکلری نين درينليکلری و نيته ليکلری باخيًميًندان، بالتاجی آرازين يازيلاری نين بوتونو تک باشينا نه فقط ميللی- دئموکراتيک دئوريمی گرچکلشديرجک ذئهين لری ذئهينسل دئوريمه اوغرادا بيله جک ان بيليمسل، ان دوغرو، ان گوجلو اويره تيلر تومودور، بلکه تاريخی ضرورتلرين گرکديرديگی دئوريميميزين موکمّل پروژه سی نين چرچيوه سی ايله اوزونه خاصّ اوزلليکلرينی بليردن بيليمسل يازيلارديرلار.
قيزيلچی آنلايار کی، قيزيل ندير آرازيزم قيزيل سونان خزينه دير.
ساغ اولون! بالتاجی آراز 28.04.2012
قایناق: شاعیر بالتاجی آراز
www.otay-butay-vetendir.com/ir
بالتاجی آراز شاعیرین 8-جی ایل دونومو موناسیبتینه آ-ن_ت تیویده آنؽم یایؽمی