۳ - آرازين سوچو آنجاق سوچسوزلوقدور
آرازين سوچو آنجاق سوچسوزلوقدور
آرازی تنقيد ائدن هله يوخدور
بويکوت ائدن ايرتيجاچی تورک چوخدور
کيم بالتاجی آرازی بويکوت ائدير؟
کيم ايچ دوشمنين هارايينا يئتير؟
کيم آذربايجانين يولونوگئدير؟
حاقلی ايله حاقسيز تانينماليدير،
حاقلی يوخ کی، حاقسيز قينانماليدير.
*- بو گونه قدر.
آرازين يازيسيندان باشقا يازی*دينه توخونماغا اولمادی راضی
دئمه دی کيمدی ساتقين بورژووازی
آنجاق آراز دئدی ساتقين سوچلانار.
يوخسا ساتقيندان يانا گوج گوجله نر
منليگینی دينه ساتان هئچله نر.
*- نه قالدی کی؟
آرازيزم (۱) کوکلنديردی فيکيرلری
(۲) ايفشا ائتدی فئدئراليست نوکرلری
(۳) دين آشيلايان "ابو بکير"لری.*
بو اوچ اوزه لليک آرازا آييددير
يازيسی ايله تاريخی شاهيد دير.
ال قويانين (اوغرونون) الی کسيلر.
ايکی مين دوردون ايکينجی آييندان
بسله نيرسينيز آرازين "پای"يندان
کی آخير "آزاد تريبون" چاييندان
کی آخير"سول گوناز"يمين چاييندان
آی دوز بيلمز بويکوتچو سيياسی تورک
آرازدان بسله نيب، اولدونوز "بويوک"
يوخسا جهله داشيياجاقدينيز يوک.
آرازيزم بيليمسل فيکير يوروتدو
ضرورتين ايسته گینی بليرتدی
اوخوجوسونون بئينينده اريتدی
آرازيزم دوروملاری دييشديردی
ايستيقلالچی فيکيری گليشديردی.
آرازيزم ماددی- فلسفی مکتبدير
محصولو باغيمسيز قيلان طلبدير
يعنی دئوريمه دوشونسل سببدير
آرازيزم مارکسيزمی گليشديردی*
چونکو فئوداليزمی الشديردی
+سومورگه چيليگی
*- نه فقط هر شئی اورتادادير، بلکه شومدا شيللاق آتان بيلن آرازين يازيلاری نين ايچينده آرازين يازيلميش يازيلارينا ائديله بيله جک تنقيدلرين ده جاوابلاری وئريليبدير. تنقيد ائده بيلن وارسا بويورسون!
*- ايره نجی ساغچيلارين اليندن.
آرازيزم گوستردی تورکون يولونو
قورتاردی توهمت اليندن سولونو*
گوجلنديردی ايستيقلالچی قولونو
آراز ثوبوت ائتدی کی، بو دونيادا
گرچک سولچو ساتماز خالقينی يادا
گرچک سولچو ساتماز يوردونو يادا.
نه مارکس، نه فاشيست لنين، نه ده مائو
آراز قدر ييخا بيلمه دی تابو
بو فرقی آنلايا بيلمز کی، يابو
لاکين اونلار تکين بو آراز عمی
تئوريزه ائتدی اوزه ل دئوريمی*
*- ميللی- دموکراتيک دئوريمی
روسييانی گليشديرن لئنين اولدو
مائو چينه قورتولوش يولو بولدو
آرازسيز تورکون ساققالينا گولدو.
تورکون آرازی البته گئج دوغدو
بويکوتچو تورک اونون سسينی بوغدو.
لئنينی اوز خالقی باسدی باغرينا
دئدی "قوربان اولوم سنين آغرينا"
"دئوريم اوچون باش ايه رم چاغيرينا."
لئنينيزم فئوداليزمی چوکدوردو
روس سومورگه لرينه درد چکديردی
ميللی دوشمنلره آچيلسا دوگون
آرازيزمی اودوللنديرمک اوچون
ال چکرلر آذربايجاندان بو گون
يوخسا آرازيزمه سيلاحلانان تورک
ائله درس وئره جک کی، گورلايا گوک.
آرازی اوز آرازيزمی اويوبدور
آراز چوخدان اويولمکدن دويوبدور
چونکو اوشاقليغينا سون قويوبدور
آرازيزم اوزگورلوگون سيلاحيدير
سيلاحلانماسا کيمين گوناهيدير؟
دردلیلر ايله دردلی قايغيلانار،
بويکوتچونون هر تورو قارغيلانار،
جزالانديرماق اوچون يارغيلانار.
آرازين سوچو آنجاق سوچسوزلوقدور،
چونکو سهوی دوغوران گوجسوزلوقدور.
يا تنقيد ائدين، يا دا بويکوتا سون وئرين! يوخسا "قيش گئدر،اوزو قاراليق کوموره قالار".