۱۵ - "کرتنکله لره اولوم!" ايسته ين گونتای بی گنجالپ
آراز گونتايين اوزونو قاشيدی،
آلتيندان پيسليک چيخاردی، اوشودو.
"کرتنکله لره اولوم!" ايسته ين
گونتای بی گنجالپا قيسسا بير جاواب:
1196
گونتايی يونه لدن ابراهيملردير،
اوله جک کرتنکله لر کيملردير؟
کی منيم تکين جانلی جيسيملردير.
گونتای دا ايشاره دن قانماليدير،
اوزونو ... آنتی قادين سانماليدير.
هر گون اون يئددی کز اوتانماليدير.
1197
ديالوک ايسته ير کی، گولشديره،
مونولوقچو ايسته مز الشديره،
ايسته ير کی، قانينا بلشديره. (فاشيستلر تکين)
آراز گونتايين اوزونو قاشيدی،
آلتيندان پيسليک چيخاردی، اوشودو.
1198 *- چيخا بيلن وارسا بويورسون! (من اولمه دن اونجه)
علمين بئينينه قورشون سيخماق اولماز،
بيليمسل اويره تينی ييخماق اولماز،
آرازيزمين اونونه چيخماق اولماز.*
دوخسان بئش فاييزدن يانا آرازيزم،
پيلوو دئييل کی، يئيه دينسل نازيزم،
اولو دئييل کی، گومه دينسل نازيزم.
1199
آرازيزم اوياداجاقدير خالقينی،
آلديراجاقدير وئريلمز حاققينی،
گونتای گنجالپ ايتيتمه سين چاققينی.
حاق وئرسين دينینی اولدورن کينه،
اولوم حاقدير، آنجاق فاشيستی دينه.
1200
آرازين دوشمانی وحشی آلله دير،
يعنی تاجير ايله آيت الالله دير،
مانقورت ائتديگی جاهيل حزب الالله دير.
آرازين دوستو بيليکلی قاديندير،
اينسان حاقلاريندان يانا آيديندير.
آراز اولماسايدی سوسدورارديلار
دئموکراتلارا قان قوسدورارديلار.
10.03.2010 بالتاجی آراز
"باشقالاری نين يانليشليقلارينی آراييب يارقيلاماق بيزيم گؤرَويميز دئييلدير.(يعنی کفنينی باتيران اولونو اوز حالينا بوراخين! - بالتاجی آراز) بيز بوتون گوجوموزو اؤز داورانيشلاريميزی يارقيلاماغا يؤنَلتمَکله سوروملويوق. ياپديغيميز کيچيک يانليشليقلاردان دولايی اولسادا، ياخينلاريميزين الشديريلرينه دؤزه بيلميريکسه، باشقالارينی يارقيلاما حاققينا صاحيب دئييليک. باشقالاری نين يانليشليقلارينی گؤروروکسه، الشديرمک اوچون اؤنجه ايذن
آلماليييق. آنجاق اونون يانليشليغينی باشقالارينا سؤيله مه يه حاققيميز يوخدور. باشقالاريندان اونون يانليشليقلاری نين دوزلديلمه سی اوچون يارديمچی اولماسينی ايسته مه مه لی یيک. ..." ماهاتما قاندی
ترجمه ائدن: گونتای گنجالپ
هر کسين تبليغ و تنقيد حاققی وار،
ياخشييا حورمت ائدرلر، پيسی خار. بالتاجی آراز
********
کرتنکله لره اولوم!،
کرتنکله اولدورمه نین کوکو نه دیر؟
"کرتنکله اولدورمک ثاوابدير. بير ووروشلا ۱۰۰، ايکی ووروشلا
۵۰ ثاوابی وار. چونکو ابراهيم پئيقمبر آتشده ياخيلاندا کرتنکله لر
آتشی پيله ييرميشلر کی، داها دا گور يانسين"!!! (حديث- "شريف")
دينيميز بير جاناوار ياپدی بيزی، بير جاناوار
بولوبان اولدوره ليم هر نه قدر جانلی کی، وار
يوخسا مين تورلو ملکلر بيزی رويادا بوغار
وار جيهاد امری کی، بيتميش ايشی کرتنکله نين
ووراليم سرتجه توکولسون ديشی کرتنکله نين.
بيز ثاواب بکله ييريز تانری قاتيندان دا ثاواب
معنوی حالدی بو، اصلا اونا دئنمز کی، کاباب
اهلی ايسلاما گليب بويله جه بير ياخشی جاواب:
اولدورولسون نه بئشی، يوزبئشی کرتنکله نين*
اونجه ائرککلری، سونرا ديشی کرتنکله نين.
خابی قفلتده ياتان اوممتی – ايسلام اويانين!
صف چکيب وحدت ايچينده دوروشوب بير دايانين
کيرلی کرتنکله نين هم او يانين، هم بو يانين
قوشاتين فيکری داغيلسين، دوشو کرتنکله نين (سوره ۸، آيه ۱۲)
تسليم اولماسا، سوکولسون دوشو کرتنکله نين.
اله آلماق گره کير ياخشيجا بير ساپلی يابا
اينجليکدن چيخاراق اولماليييق تورلو قابا
مينه ره ک آت و قاتير، بلکه تراکتور، آرابا
تيکه داشلارلا ازيلسين باشی کرتنکله نين
گوستريلسين ده، سورونسون لشی کرتنکله نين.
بو ساواشدا اولو تانری، کومک اول قوللارينا
يارديم ائت، قوووه گتير قوللاری نين قوللارينا
وئر قولايليق بو موجاهيدلری نين يوللارينا
سئل اولوب آخسا اگر گوز ياشی کرتنکله نين
وار جيهاد امری، بيتيبدير ايشی کرتنکله نين.
02.03.2010 گونتای گنجالپ
آتئيست اولما جسارتی
گونتای گنجالپ
- شرقين قارانليق دين کولتورو ايچينده آتئيست اولماق جسارتدير،
قهرمانليقدير.
- فئوداليزمين، سرمايه نين، دين قوروملاری نين بيرر ايستيبداد آللاهلاری
اولدوغو دونمده، آللاهلارين، تاريخی ساواشلار و قانلار دولدوردوقلاری
بير گرچکچيليک اورتاميندا آتئيست اولماق بوتون بو قورخونج تاريخ و
اونون ديرلرينه قارشی چيخماق اينسان حاقلارينی ساوونماقدير.
- آتئيست اولماق اينسانی آللاهلارين اسارتيندن قورتارماقدير. ساده جه
اسکی يونان تاريخينده آللاهلار سينيرلنيب اينسانلاری جزالانديرماميشلار.
بوتون دينلر اينسانی قورخودان آللاهلار اويدورموشدور.
آتئيست اولماق قورخولاردان قورتولاراق اوزگورجه و قورخوسوز
ياشايا بيلمه دوشله نيميدير.
- تاريخده اولوملو و اينسانجيل اولانلارين چوخو آتئيستلرين اورونودور.
آتئيستلر اولماسايدی تاريخ کندی ايچينده بورخولوب قالار، هئچ بير
ايره ليلمه اولمازدی.
- آتئيست اولماق دينله اوزدئشلشميش بوتون دينلری و تاريخی، دوشونجه
پلانيدا يارقيلاما يئتيسيدير.
- آتئيست اولماق سورکلی حضورسوزلوق و سورکلی آرايش دئمکدير.
آتئيستلری آشاغيلايانلار سورولردير.
- "آللاه اولدو"کدن سونرا اينسانين اونونده انگل قالماميشدير.
- آتئيست بيرئيسل (فردی) کيمليگينی تاريخه و سورولره بوراخماز.
کندی يازقيسيندان نه توره لری، نه دينی، نه ده آللاهی سوروملو بيلر.
تاريخده کی بوتون ساواشلارين و جينايتلرين ايچينده اويدورولموش
آللاهلارين ايزينی گورمک چوخ آساندير. بو تاريخه قارشی چيخماق
بويوک جسارت و بيلگی گرکديرير.
- اينسان تاريخين، تاريخ دينلرين اسارتينده اولموشدور. اينسان اوزگورلوگونو
ساوونماق اوچون بو تاريخی دئويرمک گره کير.
- آتئيست اولماق آللاها قول اولماغا قارشی ساواشيمدير. اينسان هئچ بير
شکيلده قول اولماز. قوللارا احتياجی اولان آللاهی دوشونجه لردن
دئويرمک و اينسانی اوزگورلوگونه قوووشدورماق گره کير.
- شرقين قارانليغيندا و دين وورموش کولتورونده اوزگور آتئيستلر
هومانيزمين اونجولری. شرقين قارانليق دين کولتورو دوردوقجا هئچ
بير زامان اينسان اوزگورلوگونه قوووشماياجاق.
- آتئيست اولماق بيئی حاقلارينی توره لره، دينه، قارانليقلارا فدا ائتمه مکدير.
آتئيست اولماق هومانيست اولماقدير. آللاه وار ايسه، اونون يئری
سوسيال ايليشکيلرين ايچی دئييل، اوزايلارين بوشلوغودور.
- آتئيست اولماق توپلومو دين تاجيرلرینين اليندن قورتارماق آنلاميندادير.
- آتئيست اولماق ناموسونو، اينانجينی سرمايه اولاراق بليرله ين سرمايه
آللاهلارينا، دينی تکلينده توتان آخونديزمه قارشی تاريخ، دوشونجه و
دويغو پلانيندا موخاليفتده دورماقدير.
- آتئيست اولماق اوزگور و ويجدانلی اولماقدير.
- دوغونون قارانليق دونياسيندا آتئيست اولماق بيرئيسل ياشامی اوزگورلوک
يولوندا تهلوکه يه سوخماقدير.
30.09.2010 گونتای گنجالپ