۰۰ - گۆنئی آذربایجان میللی فعال‌لار، سیاسی شخصیت‌لر و تشکیلات منسوب‌لارینا مۆراجیعت
گۆنئی آذربایجان میللی فعال‌لار، سیاسی شخصیت‌لر و تشکیلات منسوب‌لارینا مۆراجیعت
حؤرمتلی یوردداش‌لار، من بو یازیمدا قيسساجا اولسا دا گۆنئی آذربایجان میللی حرکاتیندا سیاسی دۆنیا باخیشیمی «گۆندم سیاسی اولای‌لاری رهبریت حاققیندا» دوشونجه و گؤرۆشۆمۆ پایلاشیب و سیزلرینده دیققتینیزی بو تهلوکه لی اولایلارا چکیب «گونئ آزربایجان میلی حرکاتینین سیاسی رهبریت مسئله سینی حل ائدیلمه سینده» ایجتیماعیته او جوملدن:«گۆنئی آذربایجان میللی فعال‌لار، سیاسی شخصیت‌لر و تشکیلات منسوب‌لارینا» موراجیعت ائتمک ایستییرم. بو یازی‌دا چهره‌قانلی‌نین میللی حرکتده لومپنیزم، سایقی‌سیزلیق و دیکتاتورلوق شخصیتینی و اونون‌لا علاقه‌ده گۆنئی آذربایجانین گلجه‌گینی نه‌لر گؤزله‌ییر و بئله کی چهره‌قانلی باشلاییب، گلجه‌گیمیزی بؤیۆک بیر تهلۆکه قارشیسیندا گؤرۆب، میللی فعال‌لار، تشکیلات منسوب‌لاری و اؤنجۆل‌لر ایله بو تهلۆکه‌نی پایلاشماق قرارینا گلدیم.
بو یازی دؤرد مؤوضۆع بؤلۆمۆندن عیبارت دیر:
۱- 1299-نجو گۆنش ایلی قاجار تۆرک دؤولتچی‌لیغی‌نین چؤکمه‌سی‌نین أساس نه‌دن‌لری.
۲- 1357-نجی گۆنش ایلی پهلوی رژیمی‌نین غرب دؤولت‌لری طرفیندن او جۆمله آمریکا و اینگیلیس طرفیندن اؤزل اولاراق بی-بی-سی رادیوسو واسیطه‌سی ایله چؤکدۆرۆلمه‌سی.
۳- خامنه‌ای‌نین احمد خمینی و اکبر هاشمی طرفیندن رهبریته گتیریلمه‌سی و سونرا سید علی خامنه‌ای طرفیندن اونون قارا قوطولاری‌نین (جعبه سیاه سید علی خامنه‌ای) احمد خمینی و اکبر هاشمی نین اؤلدۆرۆلمه‌سی.
هانسی درس‌لری بو یوخاری‌دا قئید اولونان گئدیشاتدان آلا بیلمیشیک و گله‌جکده آلدیغیمیز درس‌لردن یارارلانیب و یئنه‌ده کئچمیشده‌کی اولای‌لار تکرار اولماسین دئیه بو یازی ایله سیزلره مۆراجیعت ائدیب و گلجه‌گه دویارلی حرکت ائتمه‌میزی مصلحت ائدیرم و او دا ۴-نجۆ بؤلۆمون ( ۱۳- نجۆ بندین ده مکتوبون سونوجو یئکۆن‌لشدیریله‌جکدیر).
دئییم‌لره گؤره 1299-نجو گۆنش ایلی قاجار تۆرک دؤولتچی‌لیگی سید ضیاءالدین طباطبایی واسیطه‌سی ایله چئوریلیش‌له (کودتا ایله) احمد شاه کنارا قویولوب و ریضا میرپنج آدلی بیری‌سی حاکیمیته گتیریلیب. منیم گؤرۆشۆمه گؤره بوگۆنکۆ آذربایجان میللی حرکاتینین گئدیشاتینی جانلی ایزله‌یه‌رَک، یوخاریداکی قئید اولونان سید ضیاءالدین طباطبایی طرفیندن بو چئوریلیشی (کودتانی) یئرلی-دیبلی ردّ ائدیب و بو دۆشۆنجه‌ده‌یم کی محمدعلی شاه زامانیندان باشلایاراق قاجار شاه‌لاری‌نین لیاقتسیز و مۆدَببیرسیزلیک ایداره سیستئمی واسیطه‌سی ایله شعوبیه شیعه‌سینه أساسلانان فارس ائلیته دۆشۆنجه‌لی بیر چوخ طئیفده او جۆمله‌دن سید ضیا طباطبائی (بیر تروریست اولاراق) بیر قوناق و یا مۆسافیر کیمی بیر گۆنده حاکیمیَته گلمه‌میشدی، بلکه بو تروریست طباطبائی آتاسی واسیطه‌سی ایله محمدعلی شاه أمری ایله حاکیمیته سیزیلمیش و فارس ائلیته‌سی قاجار حاکیمیتی نی ایچریدن ییپراداراق و فارس ائلیته سی حاکمییت ده یئرلرینی برکیدَندَن سونرا (اۆچ دفعه ناظیرلیک، بیر دفعه مجلیس باشقانی و بیر دفعه ده باش ناظیری اولدوقدان سونرا قاجار تۆرک حاکیمیتی‌نین تاریخ مصرفی‌نین سونا یئتمه‌سینی إعلان ائتدیلر.
"سوچو اؤزگه‌ده یوخ، اؤزۆنده آرا
بولا بیلمه سن اوز دردینه چارا
دَگيشمک ايسته‌سن اؤزۆندن باشلا!
«دَگمه-دۆشر» اولسان باشقاسین بوشلا."
«بالتاجی آراز»
بو اولای‌لاردا سید ضیاطباطبائی‌لر سوچلو ساییلمالی دئییل دیر بلکه تۆرک قاجار دؤولتچی‌لیگی‌نین اوزاق گؤرۆشلۆ اولمادیق‌لارینی و ایداره سیستئمی‌نین مۆدَبّیرسیزلیگینی و بدل اؤده‌دیگینی گؤرمه‌لی‌ییک.
بو باش‌لیغا دایاناراق:
1- شعوبیه شیعه‌سینه أساسلانان فارس ائلیته دۆشۆنجه طئیفینی کیم‌لر حاکیمیته سیزدیرمیشلار؟
۲- سید علی آقا یزدی و سونرالار اونون اوغلو سید ضیا طباطبایی، کیم‌لرین واسیطه سی ایله حاکمیته گتیریلمیشدیرلر؟
نه‌دن آذربایجاندان تۆرک سویلو ائلیته شخصیت‌لرین، تۆرک قاجار دؤولتچی‌لیگینده یئر وئرمه میشدی و بونون گله‌جه‌گینی گؤره بیلمیردیلر؟
۳- نه‌دن محمدعلی شاه بیر تانینمیش آستریا کونسولونا سیغینمیش و آلتی آی اوردا قاچقین‌لیق عرضه‌سینی وئرمیش تروریستی (سید ضیا طباطبایی) باغیشلاییب و سونرالار حاکمیتده یۆکسک سَوییه‌ده اونا مقام وئریلمیشیدی (اۆچ دفعه ناظیرلیک و بیر دفعه مجلیس باشقانی و داها سونرا باش ناظیرلیک پوستو)؟
حاکیمیت بو ایشین گله‌جه‌گینی (عاقیبتینی) حئسابلامامیش‌سا، اؤزلری اؤز شاه‌لیق‌لارینا سون قویولماسی‌نین سببکاری دَگیل لرمی؟
بو دؤولتچی‌لیگین قیسا گؤرۆشلۆ تفکّۆرۆنۆ اؤزگه‌لرین (اینگیلیس‌ین و سید ضیا طباطبائی‌لرین) حئسابینا یازماق اؤزۆمۆزۆ آلداتماق دَگیل‌می؟ آتالار سوزو وار: "مالینی موحکم توت قونشونو اوغرو سانما"
۴- او زامان بیر شخص چیخیب تۆرک قاجار حاکیم شاه‌لارینا دئسه ایدی بو تروریست سید ضیا طباطبایی سیزین دودمانیزا سون قویاجاق، اونو دینلردیلرلمی؟
۵- خمینی‌نی، بی-بی-سی تبلیغاتی ایله، اینگیلیس سفیرلیگی ألینی توتوب نوفل‌لوشاتودان تهراندا طیاره‌دن ائندیریلمه‌سی و آمریکا سفیرلیگی‌نین شئوئرلت ماشینی ایله بهشت زهرا'یا آپاریلماسی، اینگیلیس‌ین سفیری خمینی‌نین آرخاسیندا ناماز قیلماسی و... اونوتدوق مو؟
۶- سید علی خامنه‌ای، احمد خمینی و هاشمی رفسنجانی طرفیندن حاکمیته گتیریلدی و او زامان بیری‌سی یئریندن قالخیب احمد خمینی‌یه و هاشمی رفسنجانی‌یه دئسه ایدیلر بیلیرسینیز رهبرییته گتیردیگینیز "علی خامنه‌ای" بیرینیزی زهرله‌ییب و او بیرینیزین باشینی استخر فَرَحه باسیب هر ایکینیزی یوخ ائده‌جک، بو سؤزلری دینلردیلرلمی؟
۷- آز چوخ بیلگی‌لره گؤره چهره‌قانلی یورد دیشینا گتیریلیب و سیاست مئیدانیندا تانیدیلیب و بو گۆنه کیمی حیمایت ائدنلر دولایی سی ایله بیر طرفدن ایش بیرلیگی تشکیلاتلاردان آیریلدیقدان سونرا تیوی مئدیالارینا چیخاریلیب تبلیغ ائدیلمه سی آذربایجان میللی حرکاتا منسوب اولان شخصیت‌لر و سیاسی تشکیلات‌لار و مئدیالار اولموشلار، هر کسین بو اولای‌لارین حاققیندا آچیق-آیدین معلومات‌لاری وار دیر.
چهره‌قانلی گۆوه‌نیلن، ثۆباتلی و میللی سیاسی حاقدا بیلگیلی بیر شخصیت گؤرۆنمۆر. بو آدام بیر گۆن ایسلام جومهوری‌سی چرچیوسینده مجلیس آدایی اولور، شورای نگهبان طرفیندن صلاحیت آلماییر (صلاحیت آلسا ایدی نه ائده‌جک ایدی؟، صلاحیت آلانلار نه ائدیبلر؟) سونرالار گاه فئدئرالچی و گاه دا آپادانا تیویسینده ایرانچی اولور نه ایسه آناسی‌نين دئديگينه گؤره، گۆيا بالاسی چهره‌قانلی ليدئر اولماق اۆچۆن دوغولوب دیر. چۆنکۆ "کۆره‌گی ائنلي دير" بو گۆن‌لرده اؤزۆنۆ «گۆنئی آذربایجان میللی حرکاتینا لیدئر تانیتماسی» توپلومدا جاه طلب، شهرت پرست، نارسیسیم (خود شیفتگی رهبری) و اوندان دا یوخاری مئقالومانییا خسته‌لیگینه دۆچار اولموش أخلاق‌سیز، ایسلام جومهوری‌سی تعلیم و تربیه أدبیاتینا مالیک اولان (آسارام، کسه‌رم، کیمسه منیم قارشیما چیخسا یوخ ائده‌رم) و دیگر هذیان‌لارلا تمامی ایله دیکتاتور بیر شخصیت اولدوغونو مئدیالاردا گؤرسه‌دیب، تانیتدیریب و تانیتدیرماقدا دیر.
چهره‌قانلی بیر جاه طلب شخصیت اولاراق هر بیر تفکورو من و بیز (ما) مفکوره‌سینده اولوشور. من و منه بئیعت ائدنلر (بیز اولاراق) (أصل ولایت فقیه) دۆشۆنجه‌سینه إعتیقادی اولان آذربایجان میللی حرکتینه سیزمیش "من و بیزیم" دۆشۆنجه‌میزین دیشیندا اولان‌لار یا اینکار اولونمالی و یا یوخ ساییلمالی دیرلار.
بو قدر منم- منم‌لیک دئیَن، اؤز من‌لیگینه یاخالانمیش کور غرور دئمک دیر کی هر بیر حاقلی سؤزه قارشی دوران چهره‌قانلی اؤز وار من‌لیگیندن چیخیب، وارلاری یوخ ائتمه‌گه، دوستلوغو دوشمان‌لیغا، باریشی ساواشا، اینکیشافی زاوالا، بیرلیگی داغیتماغا، اورتالیقدا فیرتینا و نیفاق توخومو أکمه‌گه بیر میللتین طالئعی‌له اویناماق و او میللتین یاشامینی فسادا، سفالته و رزالته چکمکده دیر. بو دۆشۆنجه‌یه صاحاب اولان شخصیت‌لره تای 33 ایل دیر ایران آدلانان مملکتده بیر توتالیتئر، ایستیبدادی حاکمیتین رهبریتینده سید علی خامنه‌ای آدیندا دیکتاتورو گؤز قاباغیندا گؤرۆرۆک بو سیاست و داورانیش‌لا 84 میلیون اینسانین ایجتیماعی، سیاسی و ایقتیصادی وضعیتینی ایفلاسا اوغرادیلماسیدا گوز قاباغیندادیر.
کئچن 43 ایل سفالت و رذالت یارادان دیکتاتورلارین سیاستینی 19 ایلدن چوخ یورد دیشیندا یاشایان چهره‌قانلی درک ائتمک یئته‌نه‌گینه مالیک اولمایان توتدوغو اؤزباشینالیق، لومپن‌لیک و نزاکت‌سیز داورانیش‌لاری ایله اؤز وارلیغینی و کئچمیشینی ایتیریب و داها بوندان آرتیق ایتیرمه‌گ عرفه سینده دیر.
دیکتاتورلارین گنل کاراکتئرلری بو آشاغی‌دا یازدیغیم کاراکتئرلر دیر. بو کاراکتئرلرین هامی‌سی چهره‌قانلی‌نین دانیشیق و یاناشمالاریندا اینجه‌لیک‌لرینه قدر شاهید اولوروق.
بۆتۆن دیکتاتورلار:
۱- اؤزلرینی مۆقدس و دَگیشیلمَز سانیرلار.
۲- چوخ آشیری یالان سؤیلرلر.
۳- جاهیللیکدن بسله‌نیرلر.
۴- الَشتیرمه‌گه (تنقیده) تحَممۆل‌لری اولماز.
۵- سون درجه ائقوئیست و تکببۆرلۆ اولارلار.
۶- تجمۆلاتی چوخ سئورلر.
۷- جاه طلب و شهرت پرست اولارلار.
و....
نه‌دن چهره‌قانلی اؤزۆنه مۆخالیف دۆشۆنجه و یا سئومه‌دیگی تنقیدلری ائشیدنده، غضب‌لَنیر (چکیلیش عرفه‌سینده عصبانیت‌له سو گؤتۆرۆب درمان یئییر) و توهین و تحقیر ائدیجی سؤزلرله یاناشیر.
هر کسه آچیق آیدیندیر کی:«اگر فرقلی فیکیرلری ائشیتمکدن و یا اؤیره نمکدن غضب لنیرسینیزسه، بو او دئمکدیر کی، فیکرینیزی ثبوت ائتمک اوچون یاخشی و منطیقلی سببینیز یوخدور».
قایناق:
الف- کۆرشاد آغ‌دره‌لی ایله مۆصاحیبه‌سینده.
ب- شخص منیم(ائلدار گونئیلی) اؤزۆمه 2007-2005 -نجی ایل‌لر عرفه‌سینده چهره‌قانلی‌دان وئب سیته سینده سوروشدوم نه‌دن بالتاجی آرازین تنقیدی یازی‌لارینی جاواب لاماییرسینیز؟
یازدی کی: "ایت هورَر، کاروان گئدر من بو یازی‌لارا جاواب وئرمه‌رم".
منطیق‌له ائشیتدیگی مۆخالیف دۆشۆنجه و تنقیدلره ثبوت ائدیجی جاوابی وارسا، غضب‌لنمه‌گه، تحقیر و توهینه سیاست مئیدانیندا گرک وارمی؟
گۆنئی آذربايجان میللی حرکتی‌نین اؤزل‌لیک‌له داها خلق مۆسلمان حرکاتیندان سونرا بابک قالاسیندان و ۱ خورداد میللی قیامیندان میللی حرکتین یئنی چاغیندا بعضی اورتایا آتیلان قونولار بللی اؤلچۆده گرگین‌لیک، پارچالانمالار و دارتیشمالار یاراتمیشدیر.
او قونولار بایراق( بایراق مسئله سی یالنیز و یالنیز میللی مجلیسده قرار وئریلر) و رهبریت قونولاریدی. گونئی آزربايجان میللی حرکاتینین رهبرلیغی سیاسی گئدیشاتدا تشکیلاتلارین گونئی آزربايجان میللی مسئله سی ایله دوغرو یاناشمالاری و چالیشمالاریندان و میللتیمیزین او حقیقتلری گورمه سی و حمایتلری ایله آپاریجی و رهبر تشکیلات میدانا چیخاجاقدیر.
میللی حرکتین داها مؤستحکم، بیر یوموروق کیمی اولماسی و گرگین‌لیک، دارتیشمالار و پارچالانمالاردان قورتولماسینی ایسته‌ین اؤزل‌لیک‌له یارانان گۆنئی آذربايجان تشکیلات‌لاری أمکداش‌لیق قوروپو بو ایکی مسأله‌نین چؤزۆمۆنۆ چوخ گۆجلۆ و کؤکلۆ اورتایا قویمالی دیر.
گۆنئی آذربايجان میللی حرکتی‌نین بوگۆن بو داغیناق، گرگین و پارچا پارچا اولماسیندا من گۆنئی آذربايجان تشکیلات‌لارینی و اونلاردان داها اؤنملی اؤزلرینی گۆنئی آذربايجان مئدیاسی بیلن‌لری ایستر ماهواره‌ای یا حتی اینتئرنئت کانال‌لارینی سوروملو گؤرۆرَم.
بو گۆنکۆ داوام ائدن بایراق و رهبریت قونولارینی که سیاسی و ایدئولوژیک قونولاردان سایلیر، گۆنئی آذربايجاندا اؤزۆنۆ بو ساحه‌ده یئتیشگین و بیلگیلی بیلن آددیمین اؤنه قویوب بو قونولارین آیدینلاشماسی اۆچۆن چوخ سسی و سؤزۆ میللته یئتیشن گۆناز تی‌وی‌یـه تکلیف ائده‌رک ایمکان‌لاریندان یارارلانماق ایذنی ایسته‌یه‌رک بایراق و رهبریت حاقدا دانیشیلیب دارتیشیلیب و چؤزۆم یولو تاپیلمالی دیر.
نه یازیق کی گؤردۆک‌لریمیزه گؤره گۆناز تیوی بو زامانی و ایمکانی وئرمه‌میشدیر، و بو گۆن ده او دورومو یاراتماماقدا دیر، آنجاق گۆناز تیوی بیر مئدیا تشکیلاتی اولاراق عئینی زاماندا اؤزۆنۆن پارالئل سیاسی تشکیلاتی گاماج واسیطه‌سی ایله اؤز مانیفئستینی و دۆشۆنجه‌لرینی تک‌لیکده میللی حرکته پومپالاماقدا دیر. بئله ایکی یؤنلۆ چالیشمادا دا أساس آماج گله‌جک قورولان گۆنئی آذربايجان دؤولتینده بللی پای و گۆج ألده ائتمک یاریشماسی دیر.
منطیقی، سیاسی و بیلیم یانا اولاراق بعضی ایلیشگی‌لر و بیرلیک‌لر مئیوه‌سی، سونوجو و سورون‌لاری چؤزمک شرطی ایله دوغرو بیر ایلیشگی و بیرلیک کیمی قبول اولونا بیلر.
کئچمیشده میللی حرکته بیر سیمگه سئچیلمیشدیرسه و بو گۆن او سیمگه میللی حرکتده گرگین‌لیک و ایکی‌جه‌لیک یارادیرسا، یئنی‌دن بۆتۆن تشکیلات‌لارلا بیرلیکده بیر میللی حرکت سیمگه‌سی قرار وئریلیب و سئچیلمه لیدر. عئینی زاماندا هر تشکیلاتین اؤزل لوقوسو،سیمگه سی و یا بایراغینا باخمایاراق او میللی حرکت سیمگه‌سی ایستر ایچه‌ریده، ایستر ائشیکده بیر بیرلیک سیمگه‌سینه چئوریله‌جک دیر.
رهبریت قونوسو ایستر بیر هفته یا قیسا دونمده گۆنئی آذربايجان میللی حرکتینده دانیشیلمالی دارتیشیلمالی و چؤزۆمۆنۆ تاپمالیدیر. بعضی دیکتاتور، مغرور و پارچالیجی دۆشۆنجه‌لره بو رهبریتی أله کئچیریب و قوللانماق‌لاری‌نین قارشی‌سی آلیناراق گله‌جکده قارشیلاشاجاغیمیز أنگل‌لره چؤزۆم اۆره‌تیلمیش اولاجاغیق.
اینانیرام ۸ تشکیلاتین قبوللاناجاق قراری ایله میللی حرکتده یئنی اورتاق سیمگه، یئنی باشلانقیجا شاهید اولوب و میللت، تشکیلات‌لار و سیاسی شخصیت‌لرده بئله‌لیک‌له میللی حرکت سیمگه‌سی دارتیشمالاریندان قورتولموش اولاجاقلار.
رهبرییت قونوسو دا عئینی دورومدا میللی سیاسی ایدئولوژیک قایدالاری و اؤلچۆلری و میللی حرکت یولوندا میللتیمیزین میللی سیاسی معاریف‌لنمه‌سی و حیمایت‌لری ایله آپاریجی تشکیلاتی تانیییب، حیمایت‌لری واسیطه‌سی ایله رهبر شخص یوخ بلکه رهبر تشکیلات مئیدانا چیخاجاقدیر. باشقا چؤزۆمده بئله دۆشۆنۆرم کی تشکیلات‌لار بیرلیگی طرفیندن کئچیجی رهبر سئچیلمک‌له بعضی فرصت طلب‌لر و تشکیلاتلارین اؤزباشینالیق‌لا بو قونولاری أله آلماق‌لاری و میللی حرکتده پارچالانماق و دارتیشمالارین اؤنۆ آلینمیش اولاجاقدیر و میللی حرکت داها ساغلام و کسگین اؤز یولونا داوام ائده بیله‌جکدیر.
بوردا قیساجا سیاسی و یا سوسیال رهبرییتی‌نین ایلکل اؤلچۆلرینه توخانماق ایسته‌سک بو گۆنکۆ میللی حرکتده أدب‌سیزلیک، أخلاق‌سیزلیق و دنگه‌سیزلیک‌له اؤزۆنۆ میللی حرکتی‌نین رهبری دئیه‌رَک میللته تحمیل ائدن چهره‌قانلی حتتا سوسیال و ایلکل اؤلچۆلردن یوخسول دیر.
چوخ گنل اولاراق رهبریت کاراکتئرلریندن: سوسیال و سیاسال أخلاق، گۆنئی آذربايجان سیاسی ایلکه‌لر أساسیندا مؤحکم توتوملو، میللی حرکتی و میللتی آنلایان، اینسان‌لارا سایقی و حؤرمت‌له یاناشان، میللی حرکتی مۆدۆرلۆک ائله‌ییب، گرگین‌لیک‌لری اورتادان قالدیران، تشکیلات‌لار آراسی بیرلیگه کؤرپۆ و ایمکان یارادان و اؤزل‌لیک‌له تشکیلاتچی سۆننتی و شخصی لیدئرلیک‌لر زامانی بیتمیش دیر.
بیز بو گۆنکۆ مودئرن سیاست دۆنیاسیندا دا رهبرییت تشکیلاتی رهبرلیک اولا بیلَر، شخصی و فردی رهبرلیک اولا بیلمَز، نه‌دن کی شخصی و فردی رهبرلیک تمَلینده تشکیلات و سیستم اولمادیغی اۆچۆن او فردین و شخصین ییخیلماسی ایله رهبرییتده چؤکۆشه محکوم اولور.
چهره‌قانلی اؤز داورانیش‌لاری، دانیشیق‌لاری و اؤز کئچمیشی ایله إعتیبارینی نزاکت‌سیزلیک، سیاسی دنگه‌سیزلیک و یالنیز بیر قدرت و حؤکۆمت هوسلی‌سی اولماسی ایله ایتیرمیشدیر.
بو سورون چوخدان چؤزولمه‌لی ایدی، نه یازیق بۆتۆن تشکیلات‌لار و مئدیالار اؤز تشکیلاتی منفعت‌لری یولوندا بو ثبات‌سیز اینساندان بللی اؤلچۆده قوللاندیلار، ایستر فارس اوپوزوسیونو آپادانا تیوی اؤز ایرانچی‌لیق فیکیرلرینی بو آدامین گؤرۆنتۆسۆ ایله سسلندیردی، و یا آذرفریدوم اینتئرنئت تیوی صاحابی قوربان ممداوف (روس-فارس یانلی‌سی) آذربايجان حاکیمیتینه قارشې بیری‌سی چهره‌قانلی‌نی پرئزیدئنته یامان یوووزلاری ایله قوللاندیلار.
چهره‌قانلی بیر ۱۸۰ درجه دؤنمک ایله کئچمیشده آذرفریدوم‌دا آذربايجان پرئزیدئنتینه ائتدیگی توهین‌لردن تؤوبه اۆچۆن رئاکسییا تیوی بو شانسی چهره‌قانلی‌یا وئرمیشدی که بو آرادا رئاکسییا تی‌وی‌ده اؤزۆنۆ داها تانیتماق اۆچۆن ده فایدالانمیشدی، گۆناز تیوی و آ.ان.تیوی ده عئینی اؤلچۆده باشقالاری کیمی چهره‌قانلی‌دان بللی گۆندم‌لرده ایستیفاده‌لر ائدیب حتتا بیر دؤنم گۆناز تیوی اؤز تئلئویزیون إکران‌لاریندا گاموح‌ـون سیمگه‌سینی بایراق اولاراق دالغالاتدیریب، ایش‌لری کئچدیکدن سونرا عئینی فعالیت‌لرینه داوام ائتمیشدیلر.
بونو دا وورقولامالی‌یام گۆنئی آذربايجانا اؤزلرینی منسوب بیلن مئدیالار نه میللتیمیزی گرکدیگی کیمی معاریف‌لَندیریب و نه تشکیلات‌لارا کی بیر میللی حرکتین بیلم یوردلاری ساییلیر، ایمکانی وئریلمه‌میشدیر و عئینی حالدا داوام ائتمکده دیر.
گۆنئی آذربايجان میللی حرکتینده یارانمیش مئدیا یانیندا سیاسی پارتی یارادماق دوغرو بیر مودئل دَگیل، آما نه یازیق بونو یارادان‌لار یادلاتمیشدیلار، بیر سیاسی پارتی‌نین تئلئویزیونو، رادیوسو، مالی صاندیغی، قادین‌لار قولو، گنج‌لر قولو و ساییره‌سی نورمال دیر، آنجاق مئدیا منسوب‌لاری‌نین بیر طرفده ده سیاسی پارتی یاراتمالاری، گله‌جک سیاستده یالنیز پای آپارماق یاریشی دیر دئیه دۆشۆنۆرم.
بو گۆن‌لرده ایران آدلانان زیندانین گۆنئیینده أحوازدا باشلانان إعتیراض‌لار اؤز یئرینده رئژیمین ییخیلماسینا و دنگه‌سینی داغیتماسینا دَگرلی بیر إعتیراض‌لار دیر، آنجاق گۆنئی آذربايجان داها متشکل اولمادیغی اۆچۆن بو گۆنکۆ دورومدا رئژیمین حتتا ضعیف اولدوغو دؤنمده، سوسقون و دورقون بیر حالدا دیر. میللی حرکتین سوسقون و دورقون اولماسیندا نه‌قَدَر سیاسی تشکیلات‌لار بو ساحه‌ده یئته‌نک‌سیز گؤرۆنسه‌لر ده، أساسیندا بو گۆنئی آذربايجان مئدیالاری دا اونون ایکی قاتی سوروملو دیرلار.
اومود ائده‌ریک سیاسی تشکیلات‌لاری دا، مئدیا قوروم‌لاری دا بیرلیکده چالیشماق‌لارلا اورتادا اولان ضعف‌لره غالیب گلیب، میللی حرکتی داها گؤزل یئتیشدیریب، بسله‌ییب و قوللوق ائده بیله‌لر.
الف: عجبا نه‌دن گۆنئی آذربایجان میللی حرکاتی تشکیلات‌لار ایش‌بیرلیگی آراسیندا بو گۆنه کیمی «رهبرییت قونوسو» چؤزۆلمه‌ییبدیر؟
ب: بۆتۆن گۆنئی آذربایجان میللی حرکاتینا منسوب اولان شخصیت‌لرین قونوسو گۆنئی آذربایجان دیرسا، نه‌دن چهره‌قانلی طرفیندن اؤز باشینالیق دۆشۆنجه‌سی، "اؤزۆنۆ آتا تۆرک‌له بیر یئرده قویوب، "من گۆنئی آذربایجان میللی حرکتین لیدئری تعیین اولونموشام" دئییر
شۆعارلاری ایله بار-بار باغیریر، عجبا بو اؤزباشینالیق:
۱- گۆنئی آذربایجان میللی حرکاتینا ضربه دَگیل‌می؟
۲- آتا تۆرکۆن شخصیتینی و سَوییه‌سینی آشاغیلاماق و آتا تۆرکه تحقیر و توهین دَگیل می؟
نه‌دن گۆنئی آذربایجان میللی حرکاتیندا اولان میللی فعال‌لار و تشکیلات منسوب‌لاری سوسوبدورلار؟!
بیری‌سی دئییر من شخص‌لره توخانماق ایسته‌میرم بلکه من دۆشۆنجه‌لره مۆناسیبتیمی یئری گلرکن بیلدیریب و توخانارام (مگر بو باغیرماق‌لار دۆشۆنجه دَگیل‌می؟). چوخ‌لاری دا چهره‌قانلی‌نین اؤزباشینالیغینا اۆستۆ اؤرتۆلۆ یاناشیرلار، اونوتمایین«اورتولو بازار، آزربایجان میللی حرکاتی نین دوزنی نی پوزار».
نه‌دن بیزیم گۆنئی آذربایجان میللی حرکاتیندا تنقید و شفافیت یوخ دیر؟ بیر توپلومدا کی تنقید و شفافیت اولمازسا هانسی دَگیشمک، گلیشمک، اینکیشاف و شفافییت گؤزلنتی‌سی اولا بیلر؟
نه‌دن بیزیم تشکیلات‌لاریمیز و حتتا اؤلکه‌لریمیز گلیشمه‌ییر؟ اینکیشاف تاپماییر؟ و تشکیلات‌لاریمیزدا و اؤلکه‌میزده شفافیت یوخ دیر؟
چۆنکۆ بیزیم کۆلتۆر و مدنییتیمیزده تنقید نه کی یوخ دور، بلکه یاساق دیر و نه‌دنی تحقیر و تخریب آنلاییشی اؤزۆیله داشیییر. اونا گؤره دیر کی کیمسه‌نی تنقید ائتمک دئییمی کولتوروموزده یارادیلماییبدیر.
۸- گۆنئی آذربایجان میللی حرکاتی تیجاری بیزنئس شیرکتی‌می عجبا؟ هر کس بو شیرکته گلیب چوخ فعالیت ائتسه و یا باشقا دئییم‌له چوخ هزینه وئرسه، زینداندا چوخ قالیب، ایشکنجه اولسا چوخلو ماعاش و یا یۆکسک سَویه‌لی پست- مقام یئرلری آلاجاقدیر؟
ألبته بیزنئس شیرکتینده کیمسه چوخ أمک وئرسه طبیعتن چوخ ماعاش آلار و یوکسک پوست-مقام‌لارا دا نائیل اولار.
چهره‌قانلی گۆنئی آذربایجان میللی حرکاتینی تیجاری شیرکتی یئری ایله سهو سالیب و وئردیگی هزینه‌لره گؤره ایران ایسلام جومهوریتینده رزمنده، جانباز، خانواده شهید سهمیه بندی‌لری ذهنیتی ایله گۆنئی آذربایجان میللی حرکتینده "لیدئرلیک سهمی" ایسته‌ییر هله بومیقدارا دا راضی اولماییب چۆنکۆ اوغلو آلپ آرسلان دا گئجه ساعات اۆچه کیمی یاتماییب گۆنئی آذربایجان اۆزه‌رینده فعالیت ائدیر بئله دۆشونۆر کی گۆنئی آذربایجاند دا "قوزئی کۆره مودئلی" یاراداجاق و اوغلونا دا ایندی‌دن بیر پای آییرماق دۆشۆنجه‌سینده دیر.
چهره‌قانلی گۆنئی آذربایجان میللی حرکاتیندا ایشچی اولاراق ایشه آلینماییب کی پوست-مقام داواسی سالسین. گۆنئی آذربایجان میللی حرکاتینا هر کس قاتیلیبسا وطن‌پرور اولدوغوندان یانا کؤنۆللۆ قاتیلیب و وطن اوغروندا میللی گؤرَ‌و دیر، کیمسه‌یه میننتی یوخ دور و هزینه وئریبدیرسه ده باشقالاری اونون بدلینی اؤده‌مک زوروندا دَگیل دیرلر.
چهره‌قانلی‌دان داها چوخ وطن اوغروندا هزینه وئرن‌لر وار کی شیرین جان‌لارینی بو یولدا فدا ائدیبلر. چهره‌قانلی‌نین لیدئرلیک داواسی و شهوتی "ایره‌لینن" یاناشمالار دیر کی هئچ بیر تۆرک سویلو شخصیته نه تک یاراشماییر بلکه "اوتاندیریجی" أخلاق و داورانیش دیر.
۹- نه‌دن بو چهره‌قانلی‌نین منم-منم‌لیک مفکوره‌سینه قارشی گۆنئی آذربایجان میللی حرکاتینا منسوب اولان شخصیت‌لر آچیقجاسینا بیرلیکده مۆناسیبت‌لرینی توپلوما بیلدیرمه‌ییرلر؟ بو غودده بؤیۆدۆکجه هارادا و نئجه پاتلاییش وئره‌جک دیر و پاتلاییشین بدلینی کیم‌لر اؤده‌یه‌جکدیر؟
قایناق: چهره‌قانلی‌نی کۆرشاد آغ‌دره‌لی و جاواد ایسماعیللی "یوتیوب تیوی چیخیش‌لاری یاییم‌لاریندا (کئچن نئچه هفته‌نین ایچینده)".
۱۰- چهره‌قانلی کئچن ایکی آی ایچه‌ری‌سینده کۆتله‌وی و پوپولیستی تبلیغات‌لاری ایله گۆنئی آذربایجان میللی حرکاتینا منسوب اولان شخصیت‌لرینه مۆجاهید، توده‌ای تهمت‌لری وورماق‌لا، یالنیز ایکی کیشینی اژدر تقی‌زاده و صالح کامرانی گیلین آدینی چکیب تایید و تصدیق ائدیب و باشقالارینی اینکار ائدیر و یا کانسئر خسته سی اولاراق تانیتدیریر، اونلارلا ایش بیرلیگینی میللی حرکته و اؤزۆنۆ میللی حرکتی‌نین بدنه‌سی اولاراق زهرلندیرمیش حساب ائدیر و بو أساس‌لارا دایاناراق اؤزۆنۆ تکجه گۆنئی آذربایجان میللی حرکاتینا لیدئر تانیتدیریر.
کیم‌لر بو صلاحیتی چهره‌قانلی‌یـا وئرمیشلر کی چهره‌قانلی گۆنئی آذربایجان میللی حرکاتیندا اولان شخصییت‌لری تایید، تصدیق، کانسئرخسته‌سی و یا اینکار ائتسین؟ چهره‌قانلی‌نین قولاغینا بو تخریبات دۆشۆنجه‌لرینی کیم‌لر پیچیلداییر؟
۱۱- عجبا بو شخص پوپولیستی تبلیغات‌لارلا بۆتۆن گۆنئی آذربایجان میللی حرکاتینا منسوب اولان شخصیت‌لری اورتادان قالدیرماق‌لا میللی حرکاتی هارایا سۆرۆتله‌ییر؟
اولمایا قولاغینا پیچیلدانان سس‌لر وار؟
شکیلینی آی کۆره‌سینده (1357-نجی ایل خمینی‌نین شکیلی) گؤرستمک ایسته‌ینلرمی وار؟
شاخسئی‌چی‌لری و حیران‌لاری بو گۆن‌لر آردی-آردیجا فیلم و کلیپ‌لر حاضیرلاییرلار، اولمایا بونلار بی-بی-سی رادیوسو اینگیلیس‌دن تکلیف‌لر آلیرلار؟
هر کسین بیلدیگی و گؤرۆندۆگۆ کیمی ایران زیندانی و فارس رئژیمی‌نین شیرازه‌لری داغیلماقدا دیر و چهره‌قانلی‌نین بو سَوییه‌ده آکتیو اولماسی و تک باشینا اؤزۆنۆ لیدئر تانیتماسی او جۆمله‌دن گۆنئی آذربایجان تشکیلات‌لاری أمکداش‌لیق قوروپوندان آیریلماسی بئله گؤرۆنۆر کی گله‌جکده بونون دا شکیلی آی کۆره‌سینده گؤرسه‌دیلیب و گۆنئی آذربایجاندا ولایت فقیه چهره‌قانیزم یاراتماسی‌نین صدالارینی بیزه بعضی‌لری ائشیتدیرمکده دیرلر؟
۱۲- بئله‌لیک‌له گؤرۆنۆر کی، بوگۆنکۆ گۆنئی آذربایجان میللی حرکاتینا منسوب اولان شخصیت‌لر سید ضیا طباطبائی، خمینی‌نین (ایرانا گتیریلمه‌سی)، احمد خمینی و اکبر هاشمی اولای‌لاریندان درس آلماییب و اؤز قولتوق‌لاری آلتیندا سیخیشدیرمیش زهرلی ایلانی میللتین ایچینه بوراخیب و فیکیرلشمه‌ییرلر کی بو زهرلی ایلانا دستک گلندن سونرا (1357-نجی ایل بی-بی-سی رادیوسونون اینقلابی) بیرینجی بو زهرلی ایلانین قوربان‌لاری قارا قوطولاری یعنی اونو حمایت ائدنلر اولاجاقلار.
سونرا یازیق آذربایجان میللتینه قان آغلامامیزی گؤره‌جه‌ییک. نئجه کی سید ضیا طباطبائی‌لرده، خمینی‌ده و خامنه‌ای‌ده گؤردۆک و گؤرۆرۆک.
۴- نجۆ یئکون بؤلۆم:
۱۳- بو گون "ایران" آدلانان اولکه نین یاخین گله جکده داغیلماسی و گۆنئی آذربایجان دؤولتی‌نین قورولما پروسئسی باش توتورسا ألبتته کی باتی دؤولت‌لری بی-بی-سی رادیوسو واسیطه‌سی ایله میللی حرکتده أن ضعیف سیاسی فیقورلاری اۆزه چیخاردیب، کۆتله‌وی تبلیغات‌لارلا (آی کۆره‌سینده شکیلی گؤرۆنمک فورمالاری کیمی) و جاه طلب تیپ شخصیت‌لری پوپولیستی شۆعارلارلا میللتین چیگنینه میندیریب گۆنئی آذربایجان میللتینی چیخیلماز بیر دوروم‌لا قارشی قارشی‌یـا قویاجاقلار. بو حادیثه‌نین باش وئریلمه‌سی‌نین ایزلرینی چهره‌قانلی دانیشیق‌لاریندا و مئیدانی حرکت پروژه‌سینده آچیق آیدین گؤرسه‌دیر.
واختی ألدن وئرمدن اؤنجه، گۆنئی آذربایجان میللی حرکاتینا منسوب اولان شخصیت‌لر و تشکیلات‌لار بو چیرکین پروژه‌نین قارشی‌سینی آلماغا نه تدبیرلر گؤرۆملۆ دیرلر؟
و گۆندم پلان‌لاریندا هانسی تدبیرلر حیاتا کئچیریلمه‌لی دیرلر کی بوجۆر کی گؤزلنیمه‌ین گیزلی پروژه‌نین باش توتماسی‌نین قارشی‌سی آلینسین؟
حؤرمتلی گۆنئی آذربایجان میللی فعال‌لاری و تشکیلات منسوب‌لاری،
من ائلدار گۆنئیلی، گۆنئی آذربایجان میللی حرکتینده 25 ایلدن آرتیق خالقیمیزین خوشبخت‌لیگی ایله سعادتینه قووشماق و وطنیمیز گۆنئی آذربایجان فارس مۆستعمَره‌سیندن قورتولوشو و مۆستقیل دؤولت قورماسی یولوندا اؤز گۆجۆم قدر بو یولدا وئردیگیم شخصی و عاییله‌وی آغیر هزینه‌لره معروض قالاراق فعالیت گؤرسه‌دیب، بو گۆنده مسئولیت حیس ائدیب دۆشۆنجه‌لریمی گله‌جکده‌کی تهلۆکه‌لر حاقدا سیزلرله پایلاشماغا چالیشدیم. بو گۆنکۆ حاکیم اولان گۆنئی آذربایجان میللی حرکتی‌نین دۆشۆنجه مفکوره‌سی اولاراق منیم کیمی‌لری و بو یازینی گؤرمه‌مزلیکدن گله بیلرسینیز، آما گونئی آزربایجان میللتی نین قارشیسیندا سوروملوسونوز و بدلینی اودمک زوروندا اولاجاقسینیز.
بو یازی‌نین پایلاشیم باغلانتی‌سی بو آشاغیداکی لینک دیر:
https://www.eldar-guneyli.com/ir/index/554-00.html
نتیجه إعتیباری ایله یازیمی گۆنئی آذربایجان میللی حرکاتی تاریخینده ثبت اولسون دئیه سیزه و سیزین واسیطه‌نیزله «تشکیلات‌لارا منسوب اولان شخصیت‌لره» گؤندریرم و کتبی یازی فورمادا همچنین مئدیالاردا گۆنئی آذربایجان خالقینی معاریف‌لندیرمک مقصدی ایله «گۆنئی آذربایجانین گله‌جک منافعی آدینا» دیالوق فورماسیندا مۆذاکیره‌یـه قویوب سسلندیرمه‌نیزی ایسته‌ییرم.
خالقیمیزین، وطنیمیزین گله‌جه‌گی، دَگیشمه‌سی، گلیشمه‌سی، آیدین‌لیق، معاریف‌لندیرمک یالنیز و یالنیز تنقید و یا دا تنقید شففافیت‌له اینکیشاف تاپاجاقدیر.
مووضوع ایله علاقه ده اولان بو یازی‌لاریندا اوخونماسینی مصلحت ائدیب و یازی‌لارین، یازیلما تاریخ‌لرینه دیققتینیزی چکمک ایستردیم:
چهرگانلی هر گون بير هاوا چالير،
گاه آيريلير، گاه دا ايراندا قالير،
ايرانچیلارين ... قاداسینی آلير.
چهرگانلی خالقی اويونجاق سانير،
دون وئرديگی سوزلری بو گون دانير.
https://www.eldar-guneyli.com/ir/index.html
صندل حریص‌لری نه یامان چوخدور!
هانی بو وطنی دوشونن اورک؟!
میلّتین آدیلا دانیشان چوخدور،
میلّتین دردینه آلیشان گرک...
#بختیار_وهابزاده
گله‌جک بیزیم دیر
10.06.2022 ائلدار گۆنئیلی
ایمئیل باغلانتیم، ائلدار گونئیلی:
این آدرس ایمیل توسط spambots حفاظت می شود. برای دیدن شما نیاز به جاوا اسکریپت دارید
مکتوبی گوندریلن تشکیلات و مئدیالار:
۱- گونئی آزربايجان مرکز پارتیسی(صالح کامرانی)
این آدرس ایمیل توسط spambots حفاظت می شود. برای دیدن شما نیاز به جاوا اسکریپت دارید AMP
۲- گونئی آزربايجان لیبرال دموکرات پارتیسی (هاشم بیلگین)
این آدرس ایمیل توسط spambots حفاظت می شود. برای دیدن شما نیاز به جاوا اسکریپت دارید GALDP
۳- گونئی آزربايجان دموکرات پارتیسی(ماحمود بیلگین)
این آدرس ایمیل توسط spambots حفاظت می شود. برای دیدن شما نیاز به جاوا اسکریپت دارید GADP
۴- گونئی آزربايجان ایستیقلال پارتیسی(صالح ایلدیریم)
این آدرس ایمیل توسط spambots حفاظت می شود. برای دیدن شما نیاز به جاوا اسکریپت دارید GAİP
۵- آزربایجان اویره نجی حرکاتی(امیر مردانی)
این آدرس ایمیل توسط spambots حفاظت می شود. برای دیدن شما نیاز به جاوا اسکریپت دارید AZOH
۶- گونئی آزربايجان میللی آزادلیق جبهه سی(احمد اوبالی)
GAMAC این آدرس ایمیل توسط spambots حفاظت می شود. برای دیدن شما نیاز به جاوا اسکریپت دارید
۷- گونئی آزربايجان دیره نیش پارتیسی(اسماعیل جوادی)
این آدرس ایمیل توسط spambots حفاظت می شود. برای دیدن شما نیاز به جاوا اسکریپت دارید
۸- گونئی آزربايجان دموکراتیک تورک بیرلیغی(ائلدار قاراداغلی)
این آدرس ایمیل توسط spambots حفاظت می شود. برای دیدن شما نیاز به جاوا اسکریپت دارید GDTB
گونئی آزربایجان مئدیالاری:
۹- گوناز تیوی(احمد اوبالی)
این آدرس ایمیل توسط spambots حفاظت می شود. برای دیدن شما نیاز به جاوا اسکریپت دارید GÜNAZ
۱۰- آ.ان.تیوی (صالح کامرانی)
این آدرس ایمیل توسط spambots حفاظت می شود. برای دیدن شما نیاز به جاوا اسکریپت دارید ANTVİ
۱۱- آرازنیوز تیوی (مجید جوادی)
ARAZ NEWS TV
این آدرس ایمیل توسط spambots حفاظت می شود. برای دیدن شما نیاز به جاوا اسکریپت دارید
۱۲- جاواد ایسماعیل بیلی SM TVAZ
این آدرس ایمیل توسط spambots حفاظت می شود. برای دیدن شما نیاز به جاوا اسکریپت دارید
۱۳- گونئی آزربايجان سسی( َآراز سولدوزلو)
Güney Azerbaycan Sesi
این آدرس ایمیل توسط spambots حفاظت می شود. برای دیدن شما نیاز به جاوا اسکریپت دارید
۱۴- گونئی آزربايجان سسی (کورشاد آغدره لی)
Güney Azerbaycan Sesi
این آدرس ایمیل توسط spambots حفاظت می شود. برای دیدن شما نیاز به جاوا اسکریپت دارید
*********************************
یوخاریداکی یازی ایله علاقه ده آشاغیداکی دانیشیقلارا دیقتینیزی چکمک ایسته ییرم:
مئقالومانییا بیر خسته لیکدیرمی؟
آدام بیر اؤلکه باشچیسینا عموم میللی ساتقین آدی وئریر. سایین الهام علی‌اف جنابینا ان لیاقتسیز سؤزلری بیر ساتقین تالیشین تیویسینده دونیایا یاییر. ایندی بیز بو آدامی رهبر اولاراق نئجه تانییاق. رهبر ایلک اونجه اؤز بدن عضولرینه مدیر اولمالیدیر. بیر آدام کی اؤز دیلینه حاکیم اولا بیلمه سه ، هئچ اؤز آیله سینه ده رهبر اولانماز.
چهرگانلی هر گون بير هاوا چالير، گاه آيريلير،
گاه دا ايراندا قالير، ايرانچیلارين ... قاداسینی آلير.
چهرگانلی خالقی اويونجاق سانير،
دون وئرديگی سوزلری بو گون دانير.
دیکتاتورلارین ایمومی کاراکتئرلری :
۱- اوزلرینی موقدس و عوض ائدیلمز سانیرلار.
۲- چوخ آشیری یالان سویلرلر.
۳- جاهیللیکدن بسله نیرلر.
۴- الشتیرمه یه(تنقیده) تحمموللری اولماز.
۵- سون درجه ائگوئیست و تکببورلی اولارلار.
۶- تجمولاتی چوخ سئورلر.
۷- جاه طلب و شهرت پرست اولارلار.
و ...
Aydın gelecek verlişlerindeki yayımlanmayan , sayın çöhreqanlı beyle apardığım reportaj
Bölüm: (1/2) Çəkiliş tarixi: 13/03/2022
( تاریخ مصاحبه: یکشنبه ۲۲ اسفند ۱۴۰۰)(چهرگانی رهبر خودخوانده و مصاحبه ای که نمی خواست پخش بشود)
Özünü lider elan edən çehriqanlı, və yayımlanmasını istəmədiyi müsahibə. Güney Azerbaycan Milli Azadlıq Herekatında Birlik ve Beraberlik yaranması Üçün Çekilişini Tamamlamış Olduğum reportajın, TV de Yayımlnmamasının, Xalqımıza böyük bir insafsızlıq olacağına inanaraq, bu videonu şerefli AZERBAYCAN TÜRK milletine teqdim edirem. Temiz ve Şefaf Siyasetin her bir Milli Hereketde Önemli olduğuna inanan herkesden, Xahiş olunur ki bu ailemizin, böyümesi üçün, ve bize destek olunması üçün kanalımıza abune olmağı untmadn, bu videonu beyenerek paylaşsınalr.
GELECEK BİZİMDİR
Aydın gelecek verlişlerindeki yayımlanmayan , sayın çöhreqanlı beyle apardığım reportaj
Bölüm: (2/2) Çəkiliş tarixi: 13/03/2022
( تاریخ مصاحبه: یکشنبه ۲۲ اسفند ۱۴۰۰)(چهرگانی رهبر خودخوانده و مصاحبه ای که نمی خواست پخش بشود)
قایناقق: گایپ_سایپ
گونئی آذربایجان’دان باخیش: ۸۳-جو بؤلوم، سایین ائژدئر بئی تئقی زاده ایله سؤیلئشی،
مصاحبه نین سؤیلئشی گونش ایلی: ۳۰ تير ۱۴۰۱ ، میلادی ایلی: ۲۱ ژوئيه ۲۰۲۲